أحمد حسام ميدو (أرشيف)
الثلاثاء 9 يوليو 2024 / 07:29
شن لاعب منتخب مصر والزمالك السابق أحمد حسام ميدو هجوماً عنيفاً على رئيس نادي مودرن سبورت وليد دعبس.
ميدو نشر تغريدات على حسابه في إكس أكد خلالها أن دعبس غير مؤهل للحديث على وسائل الإعلام، بعدما بات ضيفاً مستمراً على القنوات التلفزيونية في الأيام الماضية، عقب وفاة اللاعب
أحمد رفعت.
وقال
أحمد حسام ميدو: "وليد دعبس رجل غير مؤهل لتقلد أي منصب وغير مؤهل للحديث في الإعلام، حتى لو طالع يتكلم عن فايدة المشبك وليه دمياط بتشتهر بيه!! مداخلته التليفزيونية مع حتحوت أثبتت أنه راجل خفيف!! ومداخلته مع شبانة قبلها بيوم أثبتت أنه راجل ماعندوش ضمير.. اللي يرمي كلام ويلمح تلميحات على بني آدم لسه متوفي بهذا الشكل علشان يتوه الحقيقة يبقى رجل لا يستحق أنك حتى تبص في وشه أو تضيع وقتك معاه.. فين النائب العام؟ مستني إيه علشان تستدعي اللي تتسببوا في وفاة أحمد رفعت الله يرحمه.. مستني إيه؟".
وأضاف "أنا بصراحة فخور إن عندنا إعلاميين في مصر متعلمين ورجالة زي هاني حتحوت وإبراهيم فايق، نتفق نختلف مع أسلوب أي منهما بس الاثنين دارسين إعلام ومثقفين والأهم أنهما رجالة ما بيخافوش.. الإعلاميين اللي زيهم هم أمل مصر في العودة إلى سابق عهدها في الكورة".
واختتم "أحلى حاجة أن نادي مودرن طلع بيان الصبح أنه مانع أي حد يتكلم عن الموضوع لحين انتهاء التحقيقات ورئيس النادي عمل مداخلة بالليل 48 دقيقة".