الإعلامي إبراهيم فايق (إكس)
السبت 26 أكتوبر 2024 / 18:07
كشف الإعلامي المصري إبراهيم فايق، اليوم السبت، عن حقيقة تشجيعه لنادي الزمالك أمام الأهلي في نهائي كأس السوبر المصري، الذي أقيم على إستاد محمد بن زايد، وانتهى بتتويج "المارد الأحمر" باللقب.
انتشر فيديو على السوشيال ميديا لإبراهيم فايق، وهو حزين على تضييع نجم الزمالك محمود عبدالرازق شيكابالا لضربة جزاء، كانت كفيلة بقيادة فريقه للتتويج بالسوبر المصري.
قال إبراهيم فايق عبر حسابه الرسمي على إكس: "الفيديو ده مضحك جداً، الراجل قص الـ6 دقايق بالكامل اللي فيهم ضيع رضا سليم الركلة اللي هتكسب الأهلي ولا كان عندي أي رد فعل، وكل كرات الزمالك اللي رجع بيها برضه ولا أي رد فعل".
وأضاف: "وكانّه في الفيديو المجتزأ ده بيقول أن ريأكشن وشي أن شيكا ضيع فأنا زعلان إذن أنا زمالكاوي، مع أني قولت برضه قبل كده لو أني زمالكاوي فده شرف كبير ليا، زي ما أنا برضه بقول لو أهلاوي فده شرف كبير جداً".
وتابع: "ومع ذلك في الفيديو المجتزأ ده شيكابالا مضيع في الثانية 6، وأنا رد فعلي في الثانية 16، مختل عقليا يعني عندي delay في المخ، قولتها إمبارح وبكررها تاني، ريأكشن وشي على مشجع لف وبيشد في هدومه وبيقولي تعبنا من كتر الضغط العصبي، وأن البطولة رايحة جاية، فصعبان عليا الناس، أنا واحد قولتها قبل كده شايف أن الكورة متعة، إنما الناس كانت مشدودة جداً في المدرجات".