إمام عاشور ومحمد الشناوي (إكس)
الأحد 1 ديسمبر 2024 / 14:24
كشفت صحيفة المصري اليوم حقيقة زيارة إمام عاشور لاعب وسط فريق الأهلي لكابتن الفريق محمد الشناوي في بيته على خلفية الأزمة الأخيرة بين اللاعبين.
وقالت نقلاً عن تصريحات أحمد شوبير إن لاعب خط وسط الأهلي لم يزر حارس عرين "نادي القرن" في بيته كما هو متداول.
وذكرت أن أحمد شوبير قال في تصريحات إذاعية: "الدنيا زيطة بشكل غريب من ساعة موضوع إمام عاشور وكل واحد عمال يرمي بياضه ويقول مش عارف حصل إيه".
وتابع شوبير: "يا جماعة الموضوع انتهى وإمام اعتذر وقال الشناوي أخويا الكبير والأمور خلصت على كده".
وأضاف: "من الحاجات الغريبة اللي سمعتها اللي قالوا محمد رمضان وعمرو السولية خدوا إمام عاشور من أيده وراحوا لمحمد الشناوي بيته، ولما سألت في الأهلي قعدوا يضحكوا على الكلام ده".
وعلق شوبير مختتماً: "هيروح للشناوي بيته ليه ما الشناوي موجود في النادي وإمام عاشور في النادي برضه الحقيقة الوحيدة إن إمام بيدرب فردي حالياً".