إمام عاشور (إكس)
الأحد 26 أكتوبر 2025 / 13:26
زف الإعلامي أحمد شوبير حارس مرمى الأهلي ومنتخب مصر سابقاً، بشرى سارة لجماهير "الأحمر" بخصوص نجم الفريق إمام عاشور وموقفه من العودة للتدريبات.
نقلت صحيفة المصري اليوم تصريحات إذاعية لأحمد شوبير اليوم الأحد، قال فيها: "فيه حواديت كثيرة شغالة الفترة دي على إمام عاشور بمنتهى الوضوح أنا متواصل مع إمام عاشور نفسه وعشان كده بقول لكم أخبار مؤكدة بنسبة ألف في المائة، بصوا يا جماعة الأسبوع اللي فات تحاليل إمام بدأت تظبط شوية، هي الأنزيمات المفروض تبقى تحت الـ 50 وهى وصلت لنسبة 70 فده عمل حالة تفاؤل للناس في النادي الأهلي".
وتابع شوبير: "إمام عمل تحليل جديد لقوه نزل تحت الـ 50 وعمل تحليل تاني لقوا النسبة ارتفعت شوية لكن جيدة أيضاً".
وأضاف: "إمام هيجنن ويرجع وطلب من الطبيب المعالج إنه يكون موجود النهاردة في النادي ونفسه يشارك في السوبر".
وزاد شوبير: "في حاجة مهمة جداً.. توروب عايز إمام ومعجب به وبطريقة لعبه وأداءه".
وواصل: "إمام قدامه 4 أيام بالكثير ويبدأ ينزل تدريب، فهل الماتش الأول في السوبر ممكن يلحق..؟ غالباً هيسافر مع الفريق حتى يكون فورمة ولائق للمشاركة دي متروكة للجهاز الفني، لكن نقدر نقول حمد الله على السلامة يا إمام".