هاجم عضو لجنة التخطيط الأسبق للزمالك، أحمد حسام "ميدو"، اختيارات المدرب البلجيكي يانيك فيريرا في تشكيل الفريق، وذلك عقب التعادل أمام "المقاولون" العرب سلبياً، في الجولة الثانية من الدوري المصري.
كتب ميدو عبر حسابه الرسمي على إكس "أي مدرب يبدأ بدونغا في تشكيل الزمالك تعرف إنه مدرب ما بيعرفش يقيم اللاعيبة كويس، أي مدرب يبدأ بناصر ماهر وينج رايت بالذات بعد ماتش سيراميكا تعرف إنه مش عايش معانا!!".
وأضاف ميدو "أحمل ضياع نقطتين مهمين جداً لمدرب الزمالك، وبصراحة كلمة فيريرا مش قادر أنطقها، خسارة عدم استغلال الانطلاقة الجيدة أمام سيراميكا".
وتابع "الدوري لسه طويل بس منافسين الزمالك شرسين وما بيضيعوش نقاط بسهولة، والموسم ده مش محتاج أخطاء زي الأخطاء التي حصلت أمس، ألعب بتشكيل صح وبلاش فتي!!".
وأكمل "الزمالك عنده فريق محترم وجاب لاعيبة كويسة وكل المشاكل اللي كانت بتواجه الفريق بره الملعب وكانت مأثرة علينا بشكل كبير معظمها اتحل، رأيي أن الزمالك أفضل دفاعياً من الأهلي ومن بيراميدز، ودلوقتي الفريق عنده دكة كويسة بس لازم نلعب أحسن ويتثبتوا، لازم نلعب بصبحي عمر، الونش، حسام بينتايك، شحاتة، آدم كايد، ناصر ماهر، شيكو بانزا، وألڤينا، وعدي الدباغ، وعبدالله يلعب آخر نص ساعة مفيش إلا ماتشين الأهلي وماتش بيراميدز بس اللي ممكن تلاعب شحاتة فيهم، غير كده مع احترامي لكل فرق الدوري مفيش ولا فرقة عندها اللاعيبة، يعني اللي تخليك تلعب بدونغا وشحاتة مع بعض في نص الملعب".
مدرب الزمالك يتعرض لوعكة صحية مفاجئة - موقع 24تعرض مدرب نادي الزمالك، البلجيكي يانيك فيريرا، لوعكة صحية مفاجئة خلال الساعات التي سبقت مباراة الفريق أمام "المقاولون" العرب، والتي أقيمت على إستاد القاهرة الدولي، ضمن منافسات الجولة الثانية من مسابقة الدوري المصري.